01970 612 444
[email protected]
Mae Gwesty'r Marine, sydd wedi'i lleoli ar bromenâd hyfryd Aberystwyth, wedi cael ei rhedeg gan yr un teulu ers dros 30 mlynedd, a bellach rydym yn croesawu'r drydedd genhedlaeth i redeg y gwesty! Rydym yn ffodus ein bod wedi ein lleoli yn ddigon agos i ganol y dref ond y tu hwnt i firi’r dref.
Ni fyddai ymweliad ag Aberystwyth yn gyflawn heb ymweliad â Gwesty'r Marine. Mae'n westy eiconig sydd wedi cynnig llety i genedlaethau o fyfyrwyr a'u rhieni, twristiaid, teithwyr busnes, cynadleddau, priodasau a phartïon - pe bai'r waliau yn gallu siarad...! Felly pan fyddwch chi'n ymweld ag Aberystwyth - cofiwch ddod i aros gyda ni am noson fythgofiadwy a golygfa unigryw o'r Pier a'r Prom wrth i'r haul fachlud dros Fae Ceredigion. Os nad ydych chi'n aros gyda ni, dewch draw i gael ein Carferi Sul heb ei ail neu galwch am baned neu bryd o fwyd cyn i chi fynd i 'gicio'r bar' ar ben y Prom.
Mae ein Sba arfordirol yn cynnig yr encilfa berffaith i chi ymlacio ac ymbleseru ynddi wrth fanteisio ar driniaethau esmwythaol. Bydd llonyddwch y cyfleusterau tanddaearol yn eich galluogi i ddatgysylltu'n llwyr oddi wrth brysurdeb eich bywyd bob dydd.
Gall pob un o westeion y Gwesty ddefnyddio ein cyfleusterau Sba yn rhad ac am ddim. Pan fyddwch yn cyrraedd, ewch i'r dderbynfa i archebu amser ymlaen llaw er mwyn defnyddio'r cyfleusterau.
Maldodwch eich hun trwy fanteisio ar ein sawna isgoch, ein seddau lledorwedd sydd wedi'u gwresogi, ein sba traed, a'n Pwll Sba sy'n cynnwys 16 o seddau.
_1-min (1).jpeg)
.png)
